• Государственное автономное учреждение культуры и искусства Республики Башкортостан

ЙЫР КӨСӨ

Халыҡ борон-борондан әйтер һүҙен, уйын һәм теләктәрен йырға һалған. Йыр йыуата ла, уйната ла, дәртәләндерә лә, рухландыра ла алған.

Йыр менән һөйөү ҙә һөйләнгән, бишек тә көйләнгән, йыр менән яуға киткәндәр һәм дә көткәндәр… Һәм ул бөгөн дә шундай ҡөҙрәтле көсөн юғалтмаған! Өфө дәүләт филармонияһы артистары йырҙың ниндәй мөғжизәләр яһай алғанын тағы ла бер ҡат иҫбат итә беҙгә, дуҫтар!
Шуға күрә, һеҙҙе 13 декабрь көнө күңелегеҙҙе ял иттереп, көс-дәрт алып, дәртләнеп, яҡшы тәъҫораттар алып ҡайтырға саҡырабыҙ. Тамашала Нәзифә Ҡадырова, Әлфиә Юлсурина, Фәдис Ғаниев, Лилиә Биктимирова, Хәлит Фәтихов, Артур Туҡтағолов, Миңзифа Исҡужина, Рәфис Сирусин, «Арғымаҡ» һәм башҡа һеҙ яратып тыңлаған йырсылар ҡатнашасаҡ.
Йыр көсө – ул, халҡымдың быуаттар төпөкөлөнән килгән илһөйәрлек көсө. Сабырлыҡ, батырлыҡ, тоғролоҡ һәм шәһитлек тойғолары менән һуғарылған, йәшәүгә булған мөхәббәт менән нығытылған был көс. Уны йылдар ҙа, заманалар ҙа, яуҙар ҙа, дошмандар ҙа еңә лә, юя ла алмай. Һәм бөгөн беҙгә был көс кәрәк! Бөгөн беҙ был көскә мөрәжәғәт итәбеҙ! Берләштер беҙҙе, дәртләндер беҙҙе, күтәр беҙҙе, йыр көсө!